ᑕᒪᕐᒥᒃ ᓄᓇᓖᑦ

Tamarmik Nunaliit

ᓱᒃᑲᔪᒃᑯᑦ ᖃᕋᓴᐅᔭᓕᕆᓂᖅ ᓄᓇᕗᓕᒫᒥ ᓄᓇᓕᓐᓂ

ᓄᐊᑦᕕᔅᑎᐅᒃᑯᑦ ᑕᒪᕐᒥᒃ ᓄᓇᓖᑦ ᐱᓕᕆᐊᔅᓴᖅ − ᐃᓄᒃᑎᑐᑦ “ᓄᓇᓕᓕᒫᓄᑦ” ᓴᖅᑭᑎᑦᑎᓂᐊᖅᑐᑦ ᓱᒃᑲᓂᖅᓴᒃᑯᑦ ᖃᕋᓴᐅᔭᓕᕆᓂᕐᒧᑦ, ᐊᖏᓂᖅᓴᒃᑯᑦ ᐊᒻᒪᓗ ᐱᐅᓂᖅᓴᒃᑯᑦ ᐱᔪᓐᓇᐅᑎᔅᓴᐃᑦ ᒐᕙᒪᒃᑯᑦ ᐱᔨᑦᑎᕋᐅᑎᖏᓐᓄᑦ ᓄᓇᕗᒻᒥ ᓄᓇᓕᓕᒫᓄᑦ 2019−ᖑᓕᐸᑦ.

$49.9 ᒥᓕᐊᓐ ᐃᑲᔫᓯᐊᑦ ᑮᓇᐅᔭᐃᑦ ᒐᕙᒪᒃᑯᑦ ᑲᓇᑕᒥᑦ, ᓄᐊᑦᕕᔅᑎᐅᒃᑯᑦ ᓴᓇᓂᐊᖅᑐᑦ ᓄᑖᓂᒃ ᖃᖓᑦᑕᖅᑎᑕᐅᓯᒪᔪᓂᑦ ᓯᓚᕐᔪᐊᒥ ᓇᔪᕐᕕᔅᓴᖏᓐᓂᒃ ᐊᒻᒪᓗ ᖃᕋᓴᐅᔭᓕᕆᓂᕐᒧᑦ ᑕᒪᒃᑭᑦ 25 ᓄᓇᕗᒻᒥ ᓄᓇᓕᓐᓂ.

ᐃᓕᓯᓂᖅ ᑎᓕᓴᑦ ᖃᕋᓴᐅᔭᓕᕆᓂᕐᒧᑦ ᖃᖓᑦᑕᖅᑎᑕᐅᓯᒪᔪᖅ ᐅᐊᔭᒨᓕᕆᓂᖅ ᓄᐊᑦᕕᔅᑎᐅᒃᑯᑦ ᓱᒃᑲᔪᒃᑯᑦ ᖃᕋᓴᐅᔭᓕᕆᓂᖅ ᖁᑦᑎᕚᓪᓕᕐᓂᐊᖅᑐᖅ ᖃᕋᓴᐅᔭᓕᕆᓂᕐᒧᑦ ᒐᕙᒪᒃᑯᓐᓄᑦ, ᓇᒻᒥᓂᖃᖅᑐᓄᑦ ᐊᒻᒪ ᓄᓇᕗᒥᐅᑕᓄᑦ.

  • ᓴᓇᓂ ᖃᕋᓴᐅᔭᓕᕆᓂᕐᒧᑦ

    ᖁᔭᓐᓇᒦᒃ $49.9 ᒥᓕᐊᓐ ᐃᑲᔫᓯᐊᑦ ᑮᓇᐅᔭᐃᑦ ᑲᓇᑕᐅᑉ ᒐᕙᒪᒃᑯᖏᑦ ᐃᓱᒪᔅᓴᖅᓯᐅᖅᓯᒪᓂᖏᑦ, ᓱᓇᒃᑯᑖᓂᒃ ᖃᐅᔨᓴᕐᓂᕐᒧᑦ, ᐊᒻᒪᓗ ᑮᓇᐅᔭᓕᐅᕐᓂᕆᔭᐅᔪᒃᑯᑦ ᐱᕙᓪᓕᐊᓂᕐᒧᑦ (ISED) ᐱᓕᕆᕝᕕᖏᑦ, ᓄᐊᑦᕕᔅᑎᐅᒃᑯᑦ ᐸᕐᓇᕐᓯᒪᔪᑦ ᓴᓇᓂᐊᕐᓗᑎᒃ 25 ᓄᑖᓂᒃ ᖃᖓᑦᑕᖅᑎᑕᐅᓯᒪᔪᒥᑦ ᓯᓚᕐᔪᐊᒥ ᓇᔪᕐᕕᖏᓐᓂᒃ ᐱᔨᑦᑎᕋᕐᓂᐊᕐᓗᑎᒃ ᓱᒃᑲᔪᒃᑯᑦ ᖃᕋᓴᐅᔭᓕᕆᓂᕐᒧᑦ ᑎᑎᕋᖅᓯᒪᔪᓂ ᓄᓇᓕᓕᒫᓄᑦ ᓄᓇᕗᒻᒥ 2019 ᓄᙳᐊᓂ.

    ᑲᑎᖃᑎᒋᓗᒍ ᑎᓕᓵᒃᑯᑦ Telstar 19 VANTAGE - ᓄᑖᒻᒪᕆᒃ ᖃᕋᓴᐅᔭᓕᕆᓂᖅ ᐃᓕᓯᓗᑎᒃ ᖃᖓᑦᑕᖅᑎᑕᐅᓯᒪᔪᒧᑦ (ᓴᖅᑭᑎᑕᐅᓂᐊᖅᑐᖅ 2018) - ᓄᑖᕗᑦ ᖃᕋᓴᐅᔭᓕᕆᓂᖅ ᐊᑐᖅᑕᐅᓂᐊᖅᑐᖅ ᐊᕐᕌᒍᑦ ᓯᕗᓂᒥ ᐅᐊᔭᒨᓕᕆᓂᕐᒧᑦ, ᐱᔪᓐᓇᐅᑎᑕᖃᕐᓗᑎᒃ ᓱᒃᑲᔪᒃᑯᑦ ᖃᕋᓴᐅᔭᓕᕆᓂᕐᒧᑦ ᐊᒻᒪᓗ 20 ᐊᒥᓱᒃᑲᓐᓃᑦ ᖃᕋᓴᐅᔭᓕᕆᓂᕐᒧᑦ ᐱᔪᓐᓇᐅᑎᔅᓴᓄᑦ ᓄᓇᕗᒥᐅᑕᓄᑦ ᐊᑐᙱᖔᕐᓗᒋᑦ C-Band ᖃᖓᑦᑕᖅᑕᐅᓯᒪᔪᖅ ᐅᐊᔭᒨᓕᕆᓂᕐᒧᑦ.

    ᑕᒪᓐᓇ ᓄᑖᖅ ᖃᕋᓴᐅᔭᓕᕆᓂᕐᒧᑦ ᐅᐊᔭᒨᕈᑎ ᒪᑐᐃᖓᓂᐊᖅᑐᑦ ᖃᕋᓴᐅᔭᓕᕆᓂᕐᒧᑦ ᐊᒻᒪᓗ ᓱᒃᑲᓗᓂ. ᐊᑐᕐᓗᒋᑦ ᓄᑖᑦ ᓴᓇᔭᐅᔪᑦ, ᒐᕙᒪᑦ ᓄᓇᕗᑦ ᐱᔪᓐᓇᐅᑎᑕᖃᕈᓐᓇᖅᑐᑦ ᓄᑖᓂᒃ ᐃᓱᐊᓈᕈᑎᔅᓴᓂᒃ ᓄᓇᓕᓕᒫᓄᑦ - ᐆᑦᑑᑎᒋᓗᒍ ᖃᕋᓴᐅᔭᒃᑯᑦ-ᐊᑐᖅᑕᐅᔪᑦ ᐃᓕᓐᓂᐊᕈᑎᔅᓴᓂᒃ, ᐋᓐᓂᐊᖅᑕᐃᓕᒪᓂᕐᒧᑦ, ᐊᒻᒪᓗ ᐊᓯᖏᑦ ᐱᔨᑦᑎᕋᐅᑎᔅᓴᓄᑦ.

    ᒪᑐᐃᖓᔪᖅ ᖃᕋᓴᐅᔭᓕᕆᓂᕐᒧᑦ ᐃᑲᔫᑎᑕᖃᑕᐅᔪᑦ ᐊᑲᐅᓈᖅᑐᒃᑯᑦ ᑮᓇᐅᔭᓕᐅᕐᓂᕆᔭᐅᔪᒃᑯᑦ ᐱᕈᖅᐸᓪᓕᐊᓂᕐᒧᑦ. ᒥᑭᔪᑦ ᓇᒻᒥᓂᖃᖅᑐᑦ ᐱᔪᓐᓇᐅᑎᑕᖃᕐᓂᐊᖅᑐᑦ ᓄᑖᓂᒃ ᖃᕋᓴᐅᔭᒃᑯᑦ-ᓴᓇᕐᕈᑎᓂᒃ ᐃᑲᔫᑎᒋᓂᐊᕐᓗᒋᑦ ᐱᔨᑦᑎᕋᐅᑎᖏᓐᓄᑦ ᐊᒻᒪᓗ ᓂᐅᕕᕐᕕᖏᓐᓄᑦ. ᖃᕋᓴᐅᔭᓕᕆᔨᑯᑦ ᐱᔨᑦᑎᕋᐅᑎᖏᑦ (ISP) ᐅᐊᔭᒨᕈᑎᓂᒃ ᐃᓕᓯᔪᓐᓇᖅᑐᑦ ᓄᓇᓕᓕᒫᓄᑦ ᐊᑭᓗᒃᑐᒃᑯᑦ ᓂᐅᕕᕐᓗᒋᑦ - ᓂᕈᐊᕐᕕᐅᔪᓐᓇᕐᓗᑎᒃ ᓂᐅᕕᖃᑦᑕᖅᑐᓄᑦ ᐊᑐᖃᑦᑕᑕᖏᑕ ᖃᕋᓴᐅᔭᓕᕆᓂᕐᒧᑦ ᐱᔨᑦᑎᕋᐅᑎᖏᓂᑦ.

    ᓄᐊᑦᕕᔅᑎᐅᒃᑯᑦ ᓴᕆᒪᓱᑦᑎᐊᖅᑐᑦ ᓵᓚᒃᓴᕐᓗᒍ ᑕᒪᓐᓇ ᐊᖏᕈᑎᒃᑯᑦ ᐃᖅᑲᓇᐃᔮᕐᓂᕐᒧᑦ, ᐊᒻᒪᓗ ᐃᑉᐱᒍᓱᑦᑎᐊᒃᑲᓐᓂᖅᑐᑦ ᓂᕈᐊᖅᑕᐅᓯᒪᓂᖏᑕ ᐅᑉᐱᕆᔭᐅᔪᒃᑯᑦ ᐊᒻᒪᓗ ᐊᑲᐅᓈᖅᑐᒃᑯᑦ ᐃᑲᔪᖅᑎᒌᓐᓂᕐᒧᑦ ᐱᔨᑦᑎᕋᕐᓂᐊᕐᓗᒋᑦ ᓱᒃᑲᔪᒃᑯᑦ ᖃᕋᓴᐅᔭᓕᕆᓂᕐᒧᑦ ᐅᐊᔭᒨᕈᑎᓂᒃ ᐅᑭᐅᖅᑕᖅᑐᒥ ᑲᓇᑕᒥ. ᓂᕆᐅᒃᑐᒍᑦ ᐃᖅᑲᓇᐃᔭᖃᑎᒋᓗᒋᑦ ᒐᕙᒪᑦ ᓄᓇᕗᑦ ᐊᒻᒪᓗ ᒐᕙᒪᓕᕆᔨᕐᔪᐊᒃᑯᒃ, ᐊᒻᒪᓗ ᐃᑲᔪᖅᑎᕗᑦ ᑎᓕᓵᑦ, ᐱᔾᔪᑎᒋᓗᒋᑦ ᐅᑭᐅᖅᑕᖅᑐᒥᐅᑕᐃᑦ.

  • ᐱᔨᑦᑎᕋᕐᓗᒋᑦ ᐊᖏᕐᕋᓄᑦ

    ᐊᑑᑎᖃᖅᑎᑦᑎᓂᖅ ᓯᕗᓂᒧᑦ-ᐊᕐᕌᒍᓄᑦ Ka-Band ᖃᖓᑦᑕᖅᑕᐅᓯᒪᔪᖅ ᐅᐊᔭᒨᕈᑎ, ᓄᐊᑦᕕᔅᑎᐅᒃᑯᑦ ᓴᖅᑭᑎᑦᑎᓂᐊᖅᑐᑦ 15Mbps ᖃᕋᓴᐅᔭᓕᕆᓂᕐᒧᑦ ᓄᓇᓕᓕᒫᓄᑦ ᓄᓇᕗᒻᒥ 2019 ᓄᙳᐊᓂ. ᑕᒪᓐᓇ ᐱᖓᓱᑎᒍᑦ ᓱᒃᑲᓂᖅᓴᐅᔪᖅ ᖁᑦᑎᓐᓂᖅᐹᒃᑯᑦ ᓱᒃᑲᔪᒃᑯᑦ ᖃᕋᓴᐅᔭᓕᕆᓂᕐᒧᑦ ᐊᑐᖅᑕᐅᔪᑦ ᓂᐅᕕᖃᑦᑕᖅᑐᓄᑦ ᓄᓇᕗᒻᒥ ᐅᓪᓗᒥ.

    ᐃᓚᒋᐊᕐᓗᒋᑦ, ᓄᑖᖅ ᐅᐊᔭᒨᕈᑎᑦ ᐱᔾᔪᑎᖃᕐᓂᐊᖅᑐᑦ ᐊᒥᓱᒃᑲᓐᓂᓂᒃ ᑕᖅᑭᑕᒫᑦ ᖃᕋᓴᐅᔭᓕᕆᓂᕐᒧᑦ ᐊᑐᖅᑕᐅᖃᑦᑕᖅᑐᓄᑦ ᓂᐅᕕᖃᑦᑕᖅᑐᓕᒫᓄᑦ - ᐱᔾᔪᓇᐅᑎᒋᓗᒋᑦ ᖃᕋᓴᐅᔭᓕᕆᓂᕐᒧᑦ ᐊᒻᒪᓗ ᕿᒥᕐᕈᐊᕐᓂᕐᒧᑦ - ᒪᕐᕈᐃᓕᖓᔪᒃᑯᑦ ᐊᖏᓂᖃᖅᑐᒃᑯᑦ ᖃᕋᓴᐅᔭᓕᕆᓂᕐ ᒧᑦ ᑭᖑᓂᕐᒥᑦ.

    ᐱᐅᓂᖅᐹᖑᔪᖅ, ᓄᐊᑦᕕᔅᑎᐅᒃᑯᑦ ᓄᑖᖅ ᖃᕋᓴᐅᔭᓕᕆᓂᕐᒧᑦ ᐊᑭᖏᑦ ᓄᓇᕗᒻᒥ ᑐᓂᓯᓂᐊᖅᑐᑦ ᐱᐅᓂᖅᓴᑯᑦ ᑮᓇᐅᔭᓕᐅᕐᓂᕆᔭᕐᓄᑦ. ᐆᑦᑑᑎᒋᓗᒍ, ᐱᕗᑦ ᓄᑖᖅ ᖃᕋᓴᐅᔭᓕᕆᓂᖅ 15 ᖃᕋᓴᐅᔭᓕᕆᓂᖅ ᒪᕐᕈᐃᓕᖓᔪᒃᑯᑦ ᑕᖅᑭᑕᒫᑦ ᐊᑐᖅᑕᐅᔪᑦ ᐊᒻᒪᓗ 6x ᓱᒃᑲᓂᖅᓴᐅᓗᓂ ᒫᓐᓇᒥᑦ ᐊᑐᖅᑕᐅᔪᓂᑦ DSL ᖃᕋᓴᐅᔭᓕᕆᓂᕐᒧᑦ ᐊᑐᖅᑕᐅᔪᓂᒃ - ᐊᑕᐅᓯᒥᒃ ᐊᑭᖃᓗᒃᑖᕐᓗᑎᒃ.

    ᑕᐃᒫᒃᑲᓐᓂᖅ, ᓄᐊᑦᕕᔅᑎᐅᒃᑯᑦ ᑲᓇᑕᒥ ᐃᑲᔪᖅᑎᖏᑦ ᐱᐅᓪ ᒧᐱᓕᑎᒃᑯᑦ (Bell Mobility) ᐸᕐᓇᒃᓯᒪᔪᑦ 4G wireless mobile ᐱᔨᑦᑎᕋᐅᑎᓂᒃ ᓄᓇᓕᓕᒫᓄᑦ ᓄᓇᕗᒻᒥ. ᓂᐅᕕᖃᑦᑕᖅᑐᑦ ᓄᓇᓕᓕᒫᓂ ᐱᔪᓐᓇᐅᑎᖃᕈᓐᓇᖅᑐᑦ ᐊᑭᖏᑦ ᐊᔾᔨᒌᒃᑐᒃᑯᑦ, ᖃᕋᓴᐅᔭᓕᕆᓂᕐᒧᑦ ᐊᒻᒪᓗ ᐊᐅᓚᔪᓐᓇᖅᑐᒃᑯᑦ ᐊᑐᖅᑕᐅᔪᓐᓇᖅᑐᓂᒃ ᐱᐅᒃᑯᑦ ᐱᔨᑦᑎᕋᐅᑎᖃᖅᑐᑦ ᑲᓇᑕᓕᒫᒥ ᐅᐊᔭᒨᓕᕆᓂᕐᒧᑦ.